2025-жылдын бүгүнкү күнүндө Бужум айылында Коомдук алдын алуу борбору (КААБ), аймактык тескөөчүлөр жана Суу-Башы айыл өкмөтү биргеликте уюштурган «Биз зордук-зомбулукка каршыбыз» деген темада жөө жүрүш жогорку маанайда жана кеңири катышуу менен өттү. Иш-чаранын негизги максаты — коомдо зомбулуктун бардык түрлөрүнө каршы турууну бекемдөө, үй-бүлөдөгү, балдар арасындагы жана коомдук чөйрөдөгү зордук-зомбулуктун алдын алуу боюнча маалымдуулукту жогорулатуу болду. Жөө жүрүшкө айылдын ар түрдүү катмарларынан, жаштардан баштап улуу муундагы тургундарга чейин активдүү катышты. Жөө жүрүштүн катышуучулары «Зордук-зомбулукка жол жок!», «Башыбызды көтөрүп, зордукка каршы турабыз!», «Үй-бүлө — бакытың, корго!» деген чакырыктар менен көчөлөрдү кыдырып, коомчулукка зордук-зомбулуктун кесепеттерин жана анын алдын алуу жолдорун түшүндүрүүгө багытталган плакаттар менен жүрүштү. Бул жөө жүрүш — үй-бүлөдө жана коомдо тынчтыкты орнотуу, ар бир адамдын коопсуздугун камсыз кылуу үчүн биргеликте аракет кылуунун маанилүү кадамы болду.
